₹
%
5 Years (Standard)
💡 Note: Maximum Investment limit is ₹30 Lakhs per individual. Interest is paid out every quarter (3 months).
குறிப்பு: வட்டித் தொகை காலாண்டுக்கு ஒருமுறை உங்கள் வங்கிக் கணக்கில் வரவு வைக்கப்படும்.

Total Investment

Total Interest Earned (5 Yrs)

Quarterly Income

Total Benefit (Principal + Interest)

Plan Your Retirement Income

வாழ்நாள் முழுவதும் உழைத்து ஓய்வு பெற்ற பிறகு, அந்தப் பணத்தை பாதுகாப்பாகவும், அதே சமயம் நல்ல வருமானம் தரக்கூடியதாகவும் முதலீடு செய்ய வேண்டும் என்பதே அனைவரின் ஆசை. அதற்கு இந்திய அரசு வழங்கும் மிகச்சிறந்தத் திட்டம்தான் Senior Citizen Savings Scheme (SCSS).

வங்கி ஃபிக்ஸட் டெபாசிட்டுகளை (FD) விட அதிக வட்டி, முழுமையான அரசு பாதுகாப்பு மற்றும் காலாண்டுக்கு ஒருமுறை நிலையான வருமானம் ஆகிய சிறப்பம்சங்களால், இந்தத் திட்டம் மூத்த குடிமக்களின் முதல் தேர்வாக இருக்கிறது.

Senior Citizen Savings Scheme சிறப்பம்சங்கள் (Features)

இந்தத் திட்டம் முழுக்க முழுக்க ஓய்ூதியதாரர்களின் நலனுக்காக வடிவமைக்கப்பட்டுள்ளது. இதன் முக்கிய அம்சங்கள்:

  • அதிக வட்டி விகிதம்: தற்போது (2025 நிலவரப்படி) சுமார் 8.2% வட்டி வழங்கப்படுகிறது. இது மற்ற சேமிப்புத் திட்டங்களை விட மிக அதிகம்.
  • காலாண்டு வருமானம்: இதில் வட்டி வருடத்திற்கு ஒருமுறை அல்ல, மூன்று மாதங்களுக்கு ஒருமுறை (ஏப்ரல், ஜூலை, அக்டோபர், ஜனவரி) உங்கள் வங்கிக் கணக்கில் வரவு வைக்கப்படும். இது உங்களின் அன்றாடச் செலவுகளுக்கு மிகவும் உதவியாக இருக்கும்.
  • பாதுகாப்பு: இது மத்திய அரசின் திட்டம் என்பதால், உங்கள் முதலீட்டிற்கு 100% பாதுகாப்பு உண்டு.
  • கால அளவு: இத்திட்டத்தின் முதிர்வு காலம் 5 ஆண்டுகள். விரும்பினால் மேலும் 3 ஆண்டுகளுக்கு நீட்டித்துக்கொள்ளலாம்.

Senior Citizen Savings Scheme தகுதிகள் என்ன? (Eligibility)

இந்தத் திட்டத்தில் சேர கீழ்க்காணும் தகுதிகள் அவசியம்:

  1. 60 வயது பூர்த்தியடைந்த இந்தியக் குடிமக்கள் யார் வேண்டுமானாலும் சேரலாம்.
  2. விருப்ப ஓய்வு (VRS) பெற்றவர்கள், 55 வயது முதல் 60 வயதுக்குள் இத்திட்டத்தில் இணையலாம் (ஓய்வு பெற்ற 1 மாதத்திற்குள் சேர வேண்டும்).
  3. ஓய்வு பெற்ற இராணுவத்தினர் (Defence Personnel) 50 வயதிற்கு மேல் இத்திட்டத்தில் சேரலாம்.

உங்களுக்குத் தெரியுமா? உங்கள் பெற்றோருக்கு ஒரு பாதுகாப்பான நிதி எதிர்காலத்தை அமைத்துத் தருவது எப்படி? பணவீக்கத்தைத் தாண்டி வளரும் முதலீடுகள் எவை? இது பற்றிய தெளிவான விளக்கங்களைப் பெற கீழே உள்ள எனது YouTube சேனலைப் பாருங்கள்.

[Video Embed Placeholder: Watch iTamil Videos for Retirement Planning] மேலும் நிதி சார்ந்த வீடியோக்களைக் காண: https://youtube.com/@iTamil

Senior Citizen Savings Scheme முதலீட்டு வரம்புகள்

சமீபத்திய பட்ஜெட் அறிவிப்பின்படி, இந்தத் திட்டத்தில் முதலீடு செய்வதற்கான உச்சவரம்பு உயர்த்தப்பட்டுள்ளது.

  • குறைந்தபட்ச முதலீடு: ரூ. 1,000
  • அதிகபட்ச முதலீடு: ரூ. 30 லட்சம் (ஒரு தனிநபரால்). கணவன் மற்றும் மனைவி இருவரும் தனித்தனியாக கணக்கு தொடங்கினால், குடும்பமாக மொத்தம் ரூ. 60 லட்சம் வரை முதலீடு செய்து பயன்பெறலாம்.

Senior Citizen Savings Scheme வரிச் சலுகைகள் (Tax Benefits)

இந்தத் திட்டம் பாதுகாப்பை மட்டுமல்ல, வரி லாபத்தையும் தருகிறது:

  • பிரிவு 80C: நீங்கள் முதலீடு செய்யும் அசல் தொகையில் (Principal Amount), ரூ. 1.5 லட்சம் வரை வருமான வரிச்சட்டம் பிரிவு 80C-ன் கீழ் வரி விலக்கு பெறலாம்.
  • TDS பிடித்தம்: ஒரு நிதியாண்டில் உங்களுக்கு கிடைக்கும் வட்டி வருமானம் ரூ. 50,000-க்கு மேல் சென்றால் மட்டுமே TDS (Tax Deducted at Source) பிடிக்கப்படும். இல்லையெனில் முழு வட்டியும் உங்கள் கைக்கு கிடைக்கும்.

SCSS vs Fixed Deposit: எது சிறந்தது?

பலரும் வங்கி FD மற்றும் SCSS இரண்டிற்கும் குழம்பிக்கொள்கிறார்கள். வங்கி FD-ல் வட்டி விகிதம் காலத்திற்கு ஏற்ப மாறும் மற்றும் மூத்த குடிமக்களுக்கு 0.5% மட்டுமே கூடுதல் வட்டி கிடைக்கும். ஆனால், Senior Citizen Savings Scheme எப்போதும் சந்தையை விட அதிக வட்டி விகிதத்தை (தற்போது 8.2%) வழங்குகிறது. மேலும், இதில் கிடைக்கும் “காலாண்டு வட்டி” (Quarterly Payout) என்ற அம்சம், மாதச் செலவுகளுக்குப் பணம் தேவைப்படும் பெரியவர்களுக்கு ஒரு வரப்பிரசாதம்.

கணக்கு தொடங்குவது எப்படி?

உங்கள் அருகில் உள்ள தபால் நிலையம் (Post Office) அல்லது அங்கீகரிக்கப்பட்ட பொதுத்துறை மற்றும் தனியார் வங்கிகளில் இந்தத் திட்டத்தைத் தொடங்கலாம். ஆதார் அட்டை, பான் கார்டு, போட்டோ மற்றும் ஓய்ூதிய ஆவணங்களைக் கொடுத்து எளிதாகக் கணக்கைத் திறக்கலாம்.

முதுமை என்பது ஓய்வுக்கான நேரம் மட்டுமல்ல, நிம்மதிக்கான நேரமும் கூட. அந்த நிம்மதியை Senior Citizen Savings Scheme உறுதி செய்கிறது.

உங்கள் நிதி வளர்ச்சிக்கான அடுத்தகட்ட நடவடிக்கைகள்:

ஓய்வுகால நிதித் திட்டமிடல் குறித்து உங்களுக்கு கூடுதல் கேள்விகள் உள்ளதா? அல்லது உங்கள் பெற்றோருக்கு சரியான முதலீட்டுத் திட்டத்தை தேர்வு செய்ய வேண்டுமா?

👉 Book Appointment With Jeswyn: உங்கள் குடும்பத்தின் நிதி பாதுகாப்பை உறுதி செய்ய என்னுடன் கலந்தாலோசிக்கவும் – https://jeswyn.com/consult-trading-with-jeswyn/

👉 இலவச மின் புத்தகம்: சேமிப்பு மற்றும் முதலீட்டின் அடிப்படை 5 படிகளை அறிந்துகொள்ள – https://jeswyn.com/sub-form-for-5-steps-free-ebook/

அடிக்கடி கேட்கப்படும் கேள்விகள் (FAQs)

1. Senior Citizen Savings Scheme-ல் வட்டி எப்போது கிடைக்கும்? வட்டித் தொகையானது ஒவ்வொரு காலாண்டிலும் (மார்ச் 31, ஜூன் 30, செப்டம்பர் 30, டிசம்பர் 31) உங்கள் வங்கிக் கணக்கில் வரவு வைக்கப்படும்.

2. கணவன்-மனைவி சேர்ந்து Joint Account தொடங்கலாமா? ஆம், கணவன் மற்றும் மனைவி இணைந்து Joint Account தொடங்கலாம். ஆனால் முதல் நபர் (Primary Account Holder) கண்டிப்பாக மூத்த குடிமகனாக இருக்க வேண்டும்.

3. SCSS கணக்கை 5 ஆண்டுகளுக்கு முன் முடிக்க முடியுமா? ஆம், அபராதத்துடன் கணக்கை முன்முதிர்வு (Premature Closure) செய்யலாம். 1 வருடத்திற்குப் பிறகு முடித்தால் டெபாசிட் தொகையில் 1.5% பிடித்தம் செய்யப்படும்.

4. தற்போதைய SCSS வட்டி விகிதம் என்ன? தற்போதைய நிலவரப்படி (2025), SCSS திட்டத்திற்கான வட்டி விகிதம் ஆண்டுக்கு 8.2% ஆகும்.

5. 30 லட்சத்திற்கு மேல் முதலீடு செய்ய முடியுமா? முடியாது. ஒரு தனிநபர் பெயரில் அதிகபட்சம் ரூ. 30 லட்சம் வரை மட்டுமே SCSS திட்டத்தில் முதலீடு செய்ய முடியும்.